the one with the little big gifts

alam kong alam mo na pagdating ng birthday mo, merong skip sa heart na umaasa na merong something magical na mangyayari para sa yo ng araw na yun. Tipong bagay na mangyayari na magpapadama sa yo na espesyal ka sa araw ng birthday mo kahit alam na alam mo naman na sa 90+ milyon na tao sa Pilipinas e marami kang kapareha ng birthday.

Magical ang mga special moments na yun.

Marami akong magical moments na yan. Hindi lang kasing laki ng gesture na ginawa ng selecta na pagpapadala kay Anne Curtis ng isang box na Magnum, pero kasing bongga naman ang effect sa puso ko – little big gifts.

So ano ang mga ito?

Little Big Gift 1: Good Morning Yeye!

Sa unang pagkakataon, nabasa ni Delamar (from The Morning Rush radio show) ang greeting ko on air! Aba ewan ko na lag kung di pa nya mabasa yung tweet na 530am ng March 7 ko pinadala e 6am nagsisimula ang show nila ni Chico at Gino. Grabe kinilig ako nung marinig ko yun habang nasa HM bus papuntang elbi for my 9am theories class.

Darating din ang panahon para sa mapa-book sign ko rin ang kopya ko ng book nila! Anyhoo, kilig sa 5 second heaven :D

Little Big Gift 2: Happy Lemon, Happy Yeye! 

Niregaluhan ako ni Liz and Alvin ng hindi lang isa but FIVE gift certs from Happy Lemon! Happy Yeye I am!

Little Big Gift 3: Foodams!
Nung binggo day, binigyan ako ni Shei and Rj ng original glazed doughnots (forgot to take a photo :[ ). Sina Liz, Kevin at Itog naman ang nagbigay ng aking birthday cake - Devil's Food Cake from Chocolate Kiss! Yey!

This is heaven for me :D

Little Big Gift 4: I just called to say.. Anak! Happy birthday! :D

That call from mama and daddy na syempre nag-effort para matawagan ako. Pinaalala ko sa kanila nung March 5 na birthday ko ng March 7 para di sila tumawag ng March 6 dahil ang akala talaga nila yun ang araw ng birthday ko (o baka yun naman talaga?)

Little Big Gift 5: Old school cellphone greets..

Mga text and tawag mula sa mga utash! Mas madalas na communication channel na ngayon ang social media kaya parang nakakatuwa na nakakatanggap parin ng text o tawag.

Little Big Gift 6: Treated Like the Dutchess

Ang isa pang nakakalokang magical moment e ang effort na ginawa ng mga bakla kong gs friends na sina Kea at Aya. Sino ba naman ang hindi magugulat na nakapost  sa fb wall mo ang pagbati na ito?! 

by aya - bongga daw ito on the first try na iedit!

by kea - umabot pa ng 3rd draft para maperfect ang makulit na panggulat na ito! KKLK!

Short explanation – kaya daw Peargie ay hango kay Fergie ng Black Eyed Peas dahil pina-partner nila ako dun sa isa naming classmate na si Will.I.Am lang ang peg! Grabe na. Mas naloka ako nung nabasa ko ang mga naganap na eksena habang ginagawa ang kabaklaang ito sa vlaggey ni Kea (read here)

Little Big Gift 7: Nakakatunaw ng puso..

Isa pang creative pagbati ang sumambulat sa fb wall ko ay ang galing sa super human na si Euni! 

Para sa isang tao na mahilig mangarap
Ako naman ang mangangarap para sa yo
Na sana hindi ka mapagod o mabato
Kahit may mga pangarap na hindi nagkakatotoo
Mangarap lang ng buo ang yong puso
at balang araw ang mundo ay mapapasaiyo

Maligayang Kaarawan, Yeye!!

Awww. Ako! Ako yung nasa picture! Self portrait!i  Akong ako yung nasa photo eh – kulay, anggulo, lahat na! Sarap talaga makakila at magkaroon ng creative friends. Feeling ko tuloy pati ako creative! Haha! Kidding aside, I am very happy Euni made this one for me. I was about to "lose it", but this one reminded me not to give up. Super thanks Euni! Love this one so much! *hugs*

Little Big Gift 8: Glorious Greets

So glorious talaga? haha.. And last but not the least.. ang mga ito! 

Sino ba naman ang hindi kikiligin sa mga pagbating ito? Hindi ko naisip na marami pala ang babati. Naniniwala naman akong hindi naman nila obligasyon na batiin ako kahit nag-a-alarm na sa mga facebook accounts nila na Yeye’s birthday is today.

Looking closely, hindi materyal na bagay ang mga nakuha ko ngayong taon. Naisip ko nga, bagay na bagay sa akin ang lahat ng mga naibigay sa akin dahil wala din naman akong pera. Pero sa lahat ng natanggap ko, hindi ko naramdaman na tinipid ako. Mas mahal pa ang mga ito sa isang box na magnum na pinadala kay Anne Curtis (so di talaga ako maka-get over sa libreng isang box considering hindi naman nakikipagcompete sa pabonggahan). Mas mahal pa at mahirap suklian ang mga ito dahil sa pagiging priceless nila.

Sinabi ko nung nakaraan na hindi ko kayang daigin ang birthday ko ng 2011. Totoo. Hindi ko nadaigan dahil kayo (yes you, na naging bahagi) ang gumawa ng paraan para mas maging bongga ang pagsalubong ko sa edad na 28.

Walang katapusang..

merci merci..